Ո՞րն է երջանկությունը

Ի՞նչ է երջանկությունը, արդյոք կարելի է միշտ երջանիկ լինել:

Երջանկությունը հաճախ կապվում է ինչ որ իրադարձությամբ: Օրինակ՝ ծնվում է Ձեր փոքրիկը, հանդիպում եք Ձեր կյանքի ընկերոջը, բարձրանում եք Մասիսի գագաթը…

Հենց այդ վայրկյաններին Դուք ներքուստ կամ բարձրաձայն գոչում եք՝ Ես երջանիկ եմ…

Երջանկությունը կարելի է զգալ այն ժամանակ.

- երբ Ձեր հոգին ու մարմինը կատարյալ ներդաշնակության մեջ են,

- երբ արտաքին աշխարհն իր բացասական լիցքերով չի խաթարում Ձեր ներքին աշխարհի խաղաղությունը

Կյանքում միշտ էլ լինում են պահեր, որ ստիպում են Ձեզ անդադար լաց լինել: Լինում են պահեր, որ ցանկանում եք մարդկությունից շատ հեռու ու միայնակ ապրել: Ձեր հոգին փոքրանում է, ներկվում գորշ գույներով, ամեն ինչում տեսնում եք միայն բացասականը: Ոչինչ չի փոխում Ձեր հոգու տխրությունը այնքան ժամանակ, մինչև բարձրացնում եք Ձեր գլուխը, և հանկարծ, կարծես լուսավորվում են Ձեր մտքերը, թողնում եք, որ շրջապատող դրական լիցքերը թափանցեն Ձեր ներքին աշխարհ և լուսավորեն ու ջերմացնեն այն սառնությունը, որը տիրում էր:

Սկսվում է իսկական գարուն Ձեր հոգում, Ձեր մեջ արթնանում է այն թաքնված էներգիան ու կյանքը, որին ստիպել էիք լուռ ննջել…

Յուրաքանչյուրիս կյանքում միշտ էլ տեղի են ունենում անկումներ ու վերելքներ: Յուրաքանչյուր անկում նախորդից ավելի խորն է լինում, և անկմանն հաջորդող յուրաքանչյուր վերելք նախկին վերելքից ավելի արժեքավոր է լինում:

Երբեք մի կորցրեք Ձեր հավատը. անկումները պետք են, որպեսզի արժեքավոր վերելքներ լինեն:

Մարիամ Նազարյան

05.02.2015

Սիրահարների տոնը մեզ հետ

Թե Ի՞նչ է սերը, կարող եք կարդալ այստեղ :)

Այնպես որ սիրեք և եղե՛ք սիրված 

Այժմ ներկայացնենք մեր նախաձեռնությունը: Օրեր հետո սիրահարների տոնն է, շատերի համար ուղղակի սովորական օր, շատերի համար երկար սպասված և արկածներով լի:

Սիրո էներգիան շատ կարևոր է, և այն ջերմացնում է բոլորիս և լցնում մեծ դրական լիցքերով:

Եվ մեր նախաձեռնությամբ մենք կփորձենք այդ օրը մեր փոքրիկ ներդրումը ունենալ:

Մեր նախաձեռնության մասնակից կարող են լինել բոլոր ցանկացողները:

Պարզապես մեր էջում գրեք ձեր անուն, ազգանունը և նվերի վրա կլինի ձեր անունը:

Իսկ այժմ կարող եք անցնել էջի հղումով :) 

https://www.facebook.com/Spasvatsblog.HandMade

Բացահայտենք կյանքի գույները

Մարիամ Նազարյան

Ապրեք սիրով և եղեք սիրված

Սերը երբեք չի խանգարում, երբեք հոգու խաղաղությունը չի խռովում…

Սիրել նշանակում է երջանկացնել և լինել երջանիկ, չխանգարել միմյանց ապրել, սիրել նշանակում է օգնել միմյանց հասնել կատարելության, կյանք տալ և ջերմություն ստանալ:

Երբ սերը վերածում է կյանքը դժոխքի՝ անհանգստության, վեճերի, լարվածության, դա սեր չէ, գուցե կախվածություն, գուցե անբացատրելի զգացմունքներ, որոնք կարող են տարիներով անհայտ և չհասկացված մնալ:

Սովորեք ճիշտ սիրել, ճիշտ հասկանալ զգացմունքների բովանդակությունը:

Ապրեք սիրով և եղեք սիրված:

Սիրեք ամբողջ հոգով, սրտով և մեծն նվիրումով:

Իսկական սերը երբեք չի խամրում, երբեք չի մոռացվում…

Ի՞նչ է սերը

Տարվա միակ տոնը, որը կոչվում է Դալիթայի անունով

Սեպտեմբերի 19-ին Դալիթան դարձավ 14 տարեկան: Ծննդյան օրը նշել է կուրսեցիների հետ, որից հետո

սեպտեմբերի 20-ին  նշեց իր ոլորտի ընկերների հետ, ովքեր իրենց երգով շնորհավորեցին Դալիթային, անսպասելի անակնկալներ մատուցեցին և անմոռանալի օր պարգևեցին նրան:

Մենք էլ միացանք բոլորի բարեմաղթանքներին և մաղթեցինք, որ միշտ մնա այսպես համեստ, և կարծիք հայտնեցինք, որ շատ ճիշտ ընտրություն է կատարել նոր մասնագիտության հարցում, քանի որ այսօր մենեջմենթը /կառավարում/ առաջնային է համարվում բոլոր ոլորտներում, և այն շատ կօգնի Դալիթային երգարվեստում:

Եթե չկա կառավարում, պլանավորում, աշխատանքների համախմբում, ապա ամեն բան քաոսի է վերածվում:

Եվս մեկ անգամ մեր թիմի անունից շնորհավորում ենք քեզ Դալիթա, և մաղթում անսահման սեր և երջանկություն, իսկ քո երգերը թող միշտ լցնեն մեր սրտերը ուրախության նոտաներով:

Մեր նվերը Դալիթային :)

Մեր նվերը Դալիթային :)

Starslife- ֆոտոշարք

Մարիամ Նազարյան

Սիրո էներգիան

Ոչ միայն մարդիկ են տարբեր ձևով հասկանում սերը, այլև հռչակավոր մասնագետներից յուրաքանչյուրը բացատրում է այն յուրովի:
Բոլոր փոքրիկները գիտեն, թե ինչ է իսկական սերը: Չ՞է որ նրանց հոգին լցված է անսահման սիրով, չէ՞ որ լույս աշխարհ են եկել անսահման սիրուց…
Սերը- էներգիա է, ինչպես էլեկտրաէներգիան, միայն թե ավելի բարձր մակարդակում է: Սակայն ամենահրաշալին այն է, որ սերը էներգիայի տարբեր ձևերից մեկը չէ: Այն գլխավոր էներգիան է, որը հաղորդում է մեծ էներգետիկ դաշտ, անսահման ուժ և եռանդ:
Պարզվում է, որ մեր հզոր հոգեբանական էներգիան չի կարող գործածվել, քանի դեռ մենք տեղյակ չենք նրա գոյության մասին:

Էներգիայի հզոր աղբյուրները օգնում են մեզ իրականացնել մեր երազանքները և հաղթահարել կյանքի դժվարությունները:

Ի՞նչ է սերը և ուժը, ի՞նչ է սիրո էներգիան: Ոչ բոլորն են կարողանում ճիշտ ընկալել այս բառերի նշանակությունը: Ուժը դա հենց ուժն է, որը պահպանվում է սիրո շնորհիվ տարածվող և հզորացող էներգիայի շնորհիվ:

Սիրե՛ք և եղեք սիրված:

Եթե դրական էներգիա եք փոխանցում, այն կրկնակի վերադառնում է Ձեզ:

Եթե մարդկանց, երեխաներին, ծնողներին սեր եք պարգևում, նվիրում, այն փոխադարձորեն ջերմացնում է Ձեզ, տալիս է կյանքում բարեկեցիկ, երջանիկ ապրելու ստիմուլ:

Հասարակությունը Ձեզ դասում է աշխարհում հաջողակ, մեծ բարձրունքների հասած, հռչակավոր մարդկանց շարքին:

Դրական էներգիայով լցված անձնավորությունը ցանկացած միջավայրում փայլում է իր արևի ճառագայթների պես կուրացնող շողով:

Մարիամ Նազարյան

Հայելու առջև

Համարու՞մ եք Ձեզ այս կյանքում կայացած, հասարակության մի մասը կազմող անհատ:

        Աշխարհում յուրաքանչյուրս մի մասնիկն է Երկիր մոլորակի և, որքան էլ զարմանալի է, մենք կազմում ենք այդ ամբողջականության մի փոքրիկ մասն անգամ, բայց յուրաքանչյուրիս գոյությունն է, որ ապահովում է այդ ներդաշնակ միասնությունը: Ես ինձ համարում եմ կյանքում կայացած, որոշ թերացումները հաշվի առնելով, և, ի վերջո, ես էլ եմ հասարակության անդամ, և որպես մարդ-անհատ, դեմ չեմ իմ կարծիքն ու տեսակետը հայտնելու մարդկությանը:

    Հաջողա՞կ եք Ձեզ համարում այս կյանքում:  

        Կարծում եմ հաջողակ և երջանիկ չեն ծնվում, այլ դառնում են: Այո, ես  հաջողակ մարդ եմ: Հաջողակը մի փոքր լայն հասկացություն է` կախված անձնավորության կարգավիճակից, նրա համար հաջողակ լինելը տարբեր բաներ կարող է նշանակել…

       Հավատու՞մ եք այս կյանքում հրաշքների:

         Կյանքն ինքնին հրաշք է: Պետք է դա գիտակցի մեզանից յուրաքանչյուրը: Մոլորակի միակ անկրկնելի հրաշքը մարդն է, ով ծնվում է աշխարհի երեսին իր յուրովի կերպարանքով, չնմանակելով ոչ-ոքի: Յուրաքանչյուրս ունենք մեր ուրույն տեղը այս աշխարհում և տարբերվում ենք մեր արտաքինով, մտածելակերպով, գաղափարներով, և շատերն են ձգտում լիդերության: Առհասարակ, կյանքում հրաշքներ քիչ են լինում, իսկ տեսնել և գնահատել այդ ամենը, չի հաջողվում շատերին: Պետք է գնահատել բնության զարթոնքը, մարդկային հանճարեղ մտքերը, մշակութային արժեքները, այդ ամենը ինձ համար ուղղակի հրաշքներ են, որոնք կարող են միտքդ տանել շատ հեռուներ: Ես հավատում եմ հրաշքների գոյությանը:

    Որքանո՞վ է Ձեզ անհանգստացնում մարդկանց կարծիքը Ձեր անձի հանդեպ:

          Եթե բացասական կարծիք եմ լսում, դա երբեմն ինձ ուրախացնում է: Չէ՞ որ անհայտ մարդու մասին չեն խոսի, դա ինձ համար նշանակում է որ որոշակի տեղ եմ զբաղեցնում հասարակությունում, և գուցե նախանձի և քննադատության առիթ լինում: Մենք գիտենք, որ որքան մարդը հանճարեղ է լինում, այդքան էլ հասարակ է լինում, և կարողանում է իրեն համարել հավասար բոլորին, անկախ նյութական և հոգևոր արժեքներից: Մարդն ինչքան վեր է դասում իրեն, այնքան վար է գտնվում, նույնիսկ ավելի քան ինքն է պատկերացնում:

    Ի՞նչ է սերը:

           Որքան էլ շատերը որոշ ժամանակ հրաժարվում են այդ մասին մտածել, սակայն այդ ժամանակ ավելի շատ են մտածում և սիրում: Ինչպես բոլորս գիտենք, այն տարբեր դրսևորումներ է ունենում. սեր ծնողների, ընկերների, երեխաների և այլ մարդկանց, նույնիսկ իրերի նկատմամբ: Տարբեր տարիքում ծնողների նկատմամբ սերը տարբեր աստիճանների և մակարդակների վրա է գտնվում. դա նկատած կլինի մեզանից յուրաքանչյուրը: Երբեք պետք չեն գունազարդ բառեր, հաճոյախոսություններ, այդ ամենը զգացվում է մեկ հայացքից անգամ: Ինչպես ասել է Արքիմեդը. <Սերը թեորեմ է, որը պետք է ամեն օր ապացուցել>: Ես կասեմ իմ կարծիքը այդ մասին: Ճիշտ է, շատ հաճելի է, երբ քեզ սիրում են, դա մեկ այլ զգացողություն է, սակայն երբ ինքդ էլ ես սիրում, այն նմանվում է  մեկ ամբողջական, գեղեցիկ, գունավոր գնդի, որն անընդհատ, նույնիսկ իներցիայով շարժվում է առաջ: Այո, ես ոչ թե սիրահարվել, այլ սիրել եմ, և սիրում եմ:

    Եվ վերջում, ինչ կմաղթեք Ձեր ընթերցողներին:

         Սիրե’ք և հարգե’ք բոլորին` անկախ ազգությունից, տարիքից, կարգավիճակից: Ամեն չար միտք, վատ ցանկություն` բումերանգի պես կարող է ետ վերադառնալ: Հաջողության գաղտնիքը դրանում է…


        Մարիամ Նազարյան

  

Ուզում եմ…

Ուզում եմ քեզ ամուր գրկել և լուռ նայել աչքերիդ,

Ուզում եմ բարձրաձայն ասել հաճելի խոսքեր, բայց նախընտրում եմ լռել,

Ուզում եմ կյանքում երբեք անդառնալի չվիճենք, բայց առանց վեճի ձանձրալի կլինի,

Ուզում եմ ասել, այն ինչ մտածում եմ, բայց մի պահ մտածում եմ և ետ կանգնում ,

Ուզում եմ ասել այն ինչ զգում եմ , այն ինչ ցանկանում եմ , բայց մի բան նորից ետ է պահում,

Ուզում եմ ասել, որ կյանքիցս շատ եմ սիրում, բայց մի պահ մտածում եմ, միթե դա այդպես է, թե պահի ազդեցություն, ակնթարթային զգացում,

Ուզում եմ միասին միշտ քայլենք, վիճենք, միմյանց կատակով ծաղրենք,

Ուզում եմ երբեք չբաժանվենք, երբեք միմյանց չատենք, երբեք չզղջանք մեր անցկացրած արկածային օրերի համար,

Ուզում եմ մեր սերը գաղտնի մնա,

Ուզում եմ, որ այն իմ և քո գաղտնիքը մնա, բացահայտ, բայց իր մեջ թաքնված խոր զգացումներով, մեզ ճանաչեն միայն որպես ընկերներ,

Ուզում եմ, որ մեր ընկերությունը այլ ընկերների կորստի պատճառ չլինի, այլ նոր ընկերների ձեռքբերմանը նպաստի,

Ուզում եմ , որ մեր հոգում միշտ ջերմ շողացող արև լինի,

Ուզում եմ , որ միշտ գունագեղ, լուսավոր ճանապարհով քայլենք,

Ուզում եմ, որ խնդիրները մեզ համար աննշան թվան, որ նրանք նույնիսկ իրենց գոյության մասին հիշեցնել չտան,

Ուզում եմ, որ հասնենք հաջողության մեր մասնագիտական բնագավառներում,

Ուզում եմ, որ իմ երազանքների ընկերությունը ունենանք,

Ուզում եմ, որ նպատակների ծառը միասին կառուցենք, և հերթով այն իրականացնենք,

Ուզում եմ, որ մեր հարազատները մեզ տեսնելուց ժպտան և երբեք ամոթի զգացում չունենան,

Ուզում եմ , որ միասին աշխարհում ունենանք մեր առաջնային դերը մեզ ցանկալի ոլորտում,

Ուզում եմ , որ լավ օրինակ ծառայենք,

Ուզում եմ, որ օգնենք, մեկ սյուն ավել դնենք Հայաստանի զարթոնքի համար,

Ուզում եմ, որ կեղծիքի վերացման գործում մեր դերն ունենանք,

Ուզում եմ, որ մենք միշտ միասին լինենք…

Մարիամ Նազարյան

Ի՞նչ է սերը

Հաճախ քննարկվող և տրվող հարց: Կարելի է ասել` այն տարբեր մարդկանց կողմից տարբեր կերպ է հասկացվում: Սակայն նրա բնույթը բոլոր պարագաներում նույնն է:

Որքան էլ շատերը որոշ ժամանակ հրաժարվում են այդ մասին մտածելուց, սակայն այդ ժամանակ ամենաշատն են մտածում և սիրում:

Ինչպես բոլորս գիտենք, այն տարբեր դրսևորումներ է ունենում. սեր ծնողների, ընկերների, երեխաների և այլ մարդկանց, նույնիսկ իրերի նկատմամբ: Տարբեր տարիքում ծնողների նկատմամբ սերը տարբեր աստիճանների և մակարդակների վրա է գտնվում. դա նկատած կլինի մեզանից յուրաքանչյուրը:

Երբեք պետք չեն գունազարդ բառեր, հաճոյախոսություններ այդ մասին, այդ ամենը զգացվում է մեկ հայացքից անգամ:

Տարբեր հեղինակներ տարբեր գրքերում միանգամայն տարբեր մոտեցում և մեկնաբանում ունեն այս երևույթի մասին: Ես չեմ հիշում որևէ իմ կարդացած գրքերից, որ գոնե մեկում այդ մասին չխոսվեր: Եվ ինչպես ասել է Արքիմեդը «Սերը թեորեմ է, որը պետք է ամեն օր ապացուցել»:

Եվ վերջապես մեզնից ոչ ոք չի ծնվում սիրելու կարողությամբ, մենք սովորում ենք սիրել:

Ես կասեմ իմ կարծիքը այդ մասին: Ճիշտ է` շատ հաճելի է, երբ քեզ սիրում են, դա մեկ այլ զգացողություն է, սակայն երբ ինքդ էլ ես սիրում, այն նմանվում է մեկ ամբողջական, գեղեցիկ, գունավոր գնդի, որն անընդհատ, նույնիսկ իներցիայով շարժվում է առաջ:

Ի՞նչ է սերը.

• Դա այն է, երբ տրամադրությունդ կրկնակի անգամ կարող է փոփոխական լինել, քան մինչ այդ: 
• Երբ ժամանակ առ ժամանակ քեզ հետաքրքրում է ամեն ինչ կամ ոչինչ:

Սիրե՛ք և հարգե՛ք բոլորին ` անկախ ազգությունից, տարիքից, կարգավիճակից: Ամեն չար միտք, վատ ցանկություն բումերանգի պես կարող է ետ վերադառնալ: Հաջողության գաղտնիքը դրանում է…

Մարիամ Նազարյան

Մի զգացում, որը գուցե շատերին է այցելել

Հաճախ հարաբերություններում կարևորվում է անկեղծ սիրո գաղափարը, ինչը և հենց դառնում է բաժանման պատճառը: Հաճախ, երբ անկեղծ սիրում ես մեկին,այդ ամենը թույլ չի տալիս սթափ գնահատել իրավիճակը, և գալիս է մի ժամանակ, երբ տղան, խնդրի ծագման պատճառով, կարող է հեռանալ, զգում ես, որ այն, ինչ տեսնում ես հիմա, չէիր տեսնում սիրահար աչքերով, քանի որ, կոպիտ ասած, սերը կուրացրել էր աչքերդ:
Ինչևէ, ցանկացած անկեղծ, դրական, բարի սիրով սիրող անձնավորություն չի դադարի սիրել, երբեք չի դադարի մտածել այդ մասին, քանի որ, եթե մարդը սիրում է, ապա նա ապրում է, արարում է, ստեղծագործում է, երբ դադարում է սիրել, դադարում է նաև ապրել:
Սիրել չի նշանակում միայն սիրված էակին սիրել, պետք է սիրել ընկերներին, հարազատներին, նույնիսկ փողոցն ու ավտոներին, և վերջում կարող ես սիրել ինքդ քեզ, որ բոլորին սեր պարգևելով չմոռացար նաև քեզ:
Հաճախ հարաբերությունների ավարտին բերում է այն հանգամանքը, որ երկու կողմնն էլ խստիվ դեմ են փոխզիջումների, այսինքն երբ մեկը մի բան խոսք է տալիս, անում է դա, չի հրաժարվում իր սկզբունքներից, բայց, ահա, այստեղ է, որ պետք է սերը հաղթի, այլ ոչ խոսք տվածը ի կատար ածելու ցանկությունը:
Երբ սիրված մարդը չի ներում, առաջին մեծ վնասը իրեն է հասցնում, քանի որ ինքն է առաջինը տուժում, ինչքան էլ որ պատճառները շատ ու համոզիչ լինեն, միևնույնն է սկզբում դժվար է լինում:
Իսկ երբ ներում է, նա ոչ թե դիմացինին է լավություն անում, այլ առաջինը հենց ինքն իրեն:
Հ. Գ. Սա փոքրիկ եզրակացություն էր իմ կողմից... եզրակացություն, որտեղ իմ անձի հետ կապված ոչինչ չկա... :)

Մարիամ Նազարյան