Ցանկանում եք հարստացնել ձեր աշխարհը, ուրեմն կարող եք շնորհավորել մեզ

«Գրքասերների ակումբը»-ը երեկ նշեց իր ծննդյան երկու ամյակը:

2011 թվականի հենց այս օրն էր, երբ  Երևանը ճանաչվեց գրքի մայրաքաղաք, և  «Գրքասերների ակումբը» սկսեց իր աշխատանքները:

Դառնալով ակումբի անդամ` դուք հնարավորություն եք ստանում հարստացնել ձեր աշխարհը, լրացնել այն բացը, որը առաջանում է ծանրաբեռնված օրից հետո գրքին ժամանակ չհատկացնելու պատճառով: 

Կարող եք միանալ մեզ, մենք հանդիպում ենք ամեն չորեքշաբթի` երեկոյան 7-ին և սկսում մեր քննարկումները` նախօրոք ընտրված թեմայի շուրջ:

Միացեք մեզ, չԷ որ իմաստուն ու երջանիկ դառնալու համար անհրաժեշտ է ընդամենը 10 գիրք, իսկ մենք կօգնենք ձեզ գտնել հենց այդ 10 գիրքը ... :)

Գրքասերների ակումբի 2 ամյակը

Գրքասերների ակումբի  2 ամյակը
Tom Collins Pub-ում

Մարիամ Նազարյան
05.10.2013
Գրքասերների ակումբ

Ինձ համար ամենահանճարեղ հեղինակները

Գրքերը բոլոր ժամանակներում էլ եղել են և կմնան մեր սիրելի զբաղմունքը, որքան էլ որ դրանք կարդացողների շարքերում հայտնված մարդիկ հեռանան, միևնույնն է, այդպես է: Ինչպես մի անգամ կարդացի, մարդիկ բաժանվում են երկու խմբի` գիրք ընթերցողներ և գրքերի մասին լսողներ: Ցանկացած խմբում լինելն էլ վատ չէ ըստ երևույթին: Նրանց դերը առավել քան հիմա ահռելի է: Նույնիսկ շատ հին գրված գրքերը արտացոլում են մեր ներկա դրությունը: Դժվար է պատկերացնելը, բայց դա այդպես է: Գրողներն իրենց ստեղծագործություններում սլացել են շատ ավելի առաջ, քան մենք կարող ենք պատկերացնել: Ինձ համար թերևս Պաուլոյից և Հերման Հեսսեյի փիլիոսափայական մտածողությունից հետո հանճարեղը Դրայզերն է:
Դրայզերի ստեղծագործողությունները երկար ժամանակ քեզ չեն թողնում հեռանալ գրքից և անվերջ մնում են հիշողությանդ մեջ յուրաքանչյուր նկարագրված տեսարան: Հերման Հեսսեյի և Պաուլոյի ստեղծագործությունները մի փոքր ավելի խոր իմաստ և մտածելու տեղիք են տալիս, սակայն Դրայզերը նույնպես չի զիջում: Դրայզերի ստեղծագործությունները արդիական են ցանկացած ժամանակաշրջանի և հասարակության համար:

Սակայն միակ գիրքը, որը կարելի է ցանկացած տարիքում և անվերջ կարդալ, և ամեն կարդալուց նոր մի բան բացահայտել և սովորել, դա ինձ համար «Փոքրիկ իշխանն է»: Նման մեկ այլ ստեղծագործության դեռ չեմ հանդիպել:

Շատերն ասում են , որ գիրքը ավելի շատ ժամանակ է պահանջում, քան նման մի կինոֆիլմ դիտելը: Միևնույնն է այն ինչ զգում ես գիրքը ընթերցելիս, երբեք չես զգա ֆիլմը դիտելիս: Կարդալուց ընկալում ես յուրաքանչյուր բառը, զգում դրա նշանակությունը, հեղինակի հետ հավասար մտահոգվում և ուրախանում: Կյանքում, այնուամենայնիվ, կարելի է քիչ բան կարդալ, սակայն դրանով ստանալ հազարավոր գրքերի արտահայտած մտքերը: Կարդացե՛ք հանճարների լավագույն ստեղծագործությունները և ակնհայտ կզգաք այն փոփոխությունը, որը արագ կնկատեք ձեր և ձեր շրջապատում: Եթե գիրքը հրատարակվել է, գուցե արդեն իսկ նշանակում է, որ այն արժեքավոր է…